+389 70 700 712
info@mountainguide.mk
Изборот на соодветни планинарски чевли за високогорско искачување е еден од најважните аспекти на кои треба да се обрне особено внимание, а директно може да влијае на успехот и безбедноста на самото искачување. За успон на највисоките алпски врвови како Мон Блан или Дуфуршпиц најсоодветен избор би била исклучително тврда алпска чевла (категорија Д) компатибилна со автоматски тип на дерези, што нуди доволна изолација и топлина при движењето во ноќните часови, како и доволно цврстина за движењето со дерези на замрзнат и стрмен терен. Сепак, во одредени случаи, зависно од искуството на поединцот и условите на планината, може да се сретнат планинари и со полесна алпска чевла (категорија Ц) компатибилна само со полуавтоматски или универзални дерези.
Ова е кратка листа со некои од проверените и најчесто користените модели за класични алпски искачувања од различни производители, но на пазарот може да се најдат уште многу соодветни чевли вклучително од брендови како Garmont, Salewa, Meindl, Boreal, Mammut, Millet, Zamberlan. Некои од поновите модели се изработени од иновативни материјали и високи перформански, како на пример моделот G-Tech или G5 на La Sportiva или Phantom Tech на Scarpa. Сепак последните модели се повеќе наклонети кон искачување на алпинистички цели, отколку традиционално високогорско планинарење по класичните рути на популарни алпски врвови.
Моделот Nepal на La Sportiva не случајно е прв на оваа листа, како водечки во алпските искачувања во изминатите три декади. За прв пат “лансиран“ во доцните 80-ти години, популарниот “Непал“ е омилената цврста високопланинска чевла на многу планинари и алпинисти. Последна варијанта која се појави на пазарот е “Nepal Cube GTX“ со значителна цврстина, помала маса благодарение на иновативните материјали, особено погодна за потехнички алпски искачувања кои вклучуваат и лед или миксов терен.
Важно: Не купувајте чевли без да ги пробате со соодветни високопланински чорапи, по можност во продавница каде има рампа која симулира планински терен (кратко искачување и спуштање на карпеста/дрвена подлога). Два клучни фактори при купувањето на нови (високопланински) чевли се:
Високопланинските чевли со соодветна нега и одржување можете да ги користите прилично долго, со оглед што нивната употреба е релативна ограничена во текот на годината. Чест случај е чевлите да се во добра општа состојба, единствено ѓонот да е релативно потрошен или оштетен, а во таков случај производителите нудат целосна фабричка замена на ѓоновите што најчесто чини околу 30% од вредноста на нови чевли од истиот модел.
Автор: Александар Кирковски
