Класичните високогорски експедиции се карактеристични за високите планински венци како Хималаите, Андите, Памир, Тјен Шан и други, особено при искачувања на врвови над 6000 мнв.

Времетраењето на една експедиција варира од височината на врвот, комплексноста на рутата и условите, логистиката, како и степенот на подготовка на членовите на тимот. За да едно искачување на врв над 6000 мнв помине успешно, покрај објективните фактори (метео, услови на рутата) неопходен е темелен пристап со соодветни подготовки за конкретната цел, правилна аклиматизација, исхрана, движење на планината. Планинарскиот водич е значајна алка на секоја високогорска експедиција и со своето искуство, вклучително и на планината и врвовите кои се цел на експедицијата, значајно придонесува за правилниот пристап, безбедноста и успехот на тимот.

Важно: Услов за учество на високогорска експедиција е активно членство во планинарски клуб во рамки на Федерацијата за планинарски спортови на Македонија или алпинистички клуб во рамки на Македонската алпинистичка федерација.